2023 иень таштамковонь 15 чистэ — 2023 иень таштамковонь 17 чис Тбилиси ошсо ютавтовсь эрьва иень Википедияс сёрмадыця ломантнень промксось. Тезэнь пурнавить Куншка ды Чилисема Европа ёнкосонь сёрмадыцятне - Wikimedia CEE Meeting 2023. Пурныцясь-анокстыцясь ульнесь Грузиянь юзер-курось.

2021 иень таштамковонь 6 чистэ — 2021 иень таштамковонь 11 чис Мордовиясо ютасть эрьва-кодат пурнавкс, конатне алтазельть Владимир Иванович Ромашкинэнь 70-иень топодеманень (эрз. Йовлань Оло). Сон содавикс аволь ансяк эсь республикасо, омбомасторсо ды лия финнэнь-угрань республикатнесэяк.

Тундонь самось содави аволь ансяк панжиковонь покшчитнесэ, теледе мейле калмолангов якамонь кувалткак.

2021 иень чадыковонь 24 чистэ Саран ошсо «Мордовия Республикань А. С. Пушкинэнь лемсэ Национальной библиотекань» актовой нупальсэ ютась «Йовлань Оло» лецтнема чокшне. Сон кармась васенцекс, алтазезь Йовлонь Олонь 2021 иентень, кона ульнесь яволявтозь вейсень куротнесэ.

2021 иень чадыковонь 26 чистэ в Торбеевасо Михаил Девятаевэнь, Советэнь Союзонь Маралянтень панжсть кеврунго.

Михаил Девятаевень, Советэнь Вейсэндявксэнь Маралянь, малавиксэнзэ кемекстызь лангазо снимазь «Девятаев» оенной кинонть, конась ёвтни ливтницянть подвиг ланга.

2021 иень эйзюрковонь 2 чистэ яволявтозь финнэнь-угрань культурань прявтошонь кочксемат сыця 2022 иенень.

UG EZY — «Эрзянь кельсэ Викимедиянь витнийть-петнийть» юзер-кужось ютавтсь 3 чинь вастовома, конанть перть тейсть Выборгов вики-якамо, «Ойме» морамокужонть прявтветицянть марто «прянь яжамот» ды ютазь 2020 иень тевтнень ванномат.

2020 иень ожоковонь 24 чистэ, шлямочистэ, Викимедиа лезэпаргонь «Вики-краеведы Северо-Запада России» кужосо улицятне сыргасть вики-экспедицияс Ине-Петрань ошонь Курортной буес.

Шлямочистэ, 2020 иень ожоковонь 26-це чистэ, Ине-Петрань ошонь «Лакамо шка» таркасо панжовсь Вики-промксось 2020 — кемнилееце раськеютконь эрьва иень форумось, конась алтазель Россиясо эриця раськень кельтнень Викимедиа проекттнэнь касоманень-кепедеманенеь, теде башка кортазель олясо аштиця содамочитнень сравтомадо ды теемадо, теицясь — НП «Викимедиа РУ».

2020 иень умарьковонь ушодомасто Ине-Петра ошонь «Вики-краеведы Северо-Запада России» Викимедиа юзер-группась, конантень совить кавто Эрзянь кельсэ Викимедиянь витнийть-ветийть юзер-группань ломанть, тейсь умок учовикс вейсэнь вики-экспедиция, ломантнеде ульнесть зярыя, секс савсь саемс кавто эсь машинат.